Pagsaylo sang Opisina sang City Health sa Old City Hall malapit nalang.

Duha nalang ka semana ang ginahulat isaylo na temporaryo ang opisina sang city health sa city assessors office sa old city hall sang Koronadal. Ini ang ginpahayag ni Koronadal City Mayor Peter Bascon Miguel.
Sa subong, nagapadayon pa ang renovation sa opisina nga saylohan sang city health.

Madumduman nga nasunog ang opisina sang city health, partikular na ang pharmacy, sang nagligad nga bulan nga kon sa diin naglab-ot sa Php 3 million ang danyos sang sunog rason nga sa subong temporary anay nga ginbutang sa WHIPS Office nga yara sa Rizal Park.
Apang sa pihak sang natabo suno sa alkalde sang syudad, wala man na-apektuhan ang paghatag sang health services sa pumuluyo sang Koronadal.

Gin-apilar man ni Mayor PBM sa katawhan sang syudad nga kon ginagmay man lang ang problema pwede man nga sa tagsa nalang sini ka barangay health centers anay magpadulong tungod may sufficiente man nga bulong.
Natalana naman sa madason nga tuig ang construction gid sang bag-o nga building sang city health nga kon sa diin kompleto na ang tanan nga facilities.


By: Airyn B. Sucion