Regional Schools Press Conference (RSPC)
December 7-8, 2011
Winners: Koronadal City Division
Individual and Group Contest
see awarding photos during the Flag Ceremony Monday Program, December 12, 2011
Pagsaylo sang Opisina sang City Health sa Old City Hall malapit nalang.
7:44 PM
007
Sa subong, nagapadayon pa ang renovation sa opisina nga saylohan sang city health.
Madumduman nga nasunog ang opisina sang city health, partikular na ang pharmacy, sang nagligad nga bulan nga kon sa diin naglab-ot sa Php 3 million ang danyos sang sunog rason nga sa subong temporary anay nga ginbutang sa WHIPS Office nga yara sa Rizal Park.
Apang sa pihak sang natabo suno sa alkalde sang syudad, wala man na-apektuhan ang paghatag sang health services sa pumuluyo sang Koronadal.
Gin-apilar man ni Mayor PBM sa katawhan sang syudad nga kon ginagmay man lang ang problema pwede man nga sa tagsa nalang sini ka barangay health centers anay magpadulong tungod may sufficiente man nga bulong.
Natalana naman sa madason nga tuig ang construction gid sang bag-o nga building sang city health nga kon sa diin kompleto na ang tanan nga facilities.
By: Airyn B. Sucion
Press Conference sa Hinugyaw sa Pascua kag Hinugyaw Festival Ginpatigayon
7:33 PM
007
May angot sini ginpahayag ni Koronadal City Mayor Peter B. Miguel, festival director, nga plastado na ang tanan nga mga aktibidad sa mga nasambit nga selebrasyon.
Sa Hinugyaw sa Pascua subong nga bulan, suno kay Mayor Miguel, ang highlight amo ang Light a Tree Contest sa Gensan Drive nga kon sa diin pagapartisiparan sang tanan nga mga establishemento commercial; Lantern Float Parade, Christmas Cantata Festival nga partisiparan sang mga barangay choir, kag ang Fellowhip ng Bayan.
Ang tema sang Hinugyaw sa Pascua subong nga tuig amo naman ang “Pascua sa Banwa nga Maanyag”.
Sa Hinugyaw Festival naman ang highlight sang selebrasyon amo ang Wreath Laying 17 Martyr’s Shrine nga hiwaton sa KCES-1, Settlers Night “Handurawan” (Gala Show) sa South Cotabato Gym, Lakambini ng Koronadal, Tree Growing, Piyesta Korona kag Foam Party.
Ang tema sang Hinugyaw Festival 2012 amo naman ang “Building People, Building Character, Building Progress”.
Ginpasiguro man ni Police Inspector Lemuel Joseph Clarete, deputy chief of police for administration sang Koronadal City PNP nga plastado naman ang security plan sang kapolisan sa Hinugyaw sa Pascua kag Hinugyaw Festival sang Koronadal.
Gindugang man sang alkalde sang syudad nga antes pa ang selebrasyon magahatag na sang advisory ang city government para sa re-routing sa mga dalanon ilabi pa nga ongoing ang pagkay-o sang tulay sa bulok creek para malikawan ang problema sa trapiko sa mga nagapanguna nga dalanon.
By: Airyn B. Sucion
More Pictures: Click
