6:14 PM
007
100% nga preparado ang katapo sang kapulisan sang Koronadal City PNP para sa nagahilapit nga selebrasyon sang Koronadal Hinugyaw Festival 2012. Ini ang ginpasalig ni Chief of Police P/Supt. Michael Lebanan may kaangtanan sa “week-long celebration” sang syudad.Ginpahayag ni Lebanan nga madugay na nga plastado ang mga katapo sang kapulisan bangud man sa asud-asod nga aktibidad sang syudad. Nahibalu-an nga umpisa pa sang Disyembre 1 tubtub Enero 15, 2012, doble ang pagkaalerto sang mga ini.
Sa pihak nga bahin, ginhatagan sini pagtamod nga wala sapayan sang ila preparasyon kag pagka-alerto apang importante sa gihapon ang kooperasyon sang bug-os nga pumuluyo. Suno kay Lebanan, indi mangin madinalag-on ang anuman nga tikang kon wala sang pag-ugyon sang tanan.
Samtang, ginaagda naman ni Koronadal City Mayor Peter B. Miguel ang tanan nga mga pumuluyo sang syudad subong man ang mga kaiping nga mga banwa sa pagguwa sa ila tagsa ka puluy-an agud sa paghinugyaw sa syudad sa sulod sang lima ka adlaw.
