DONASYON PARA SA BIKTIMA NI BAGYONG SENDONG GINTURN-OVER NA

Pormal na nga ginturn-over sang City Government of Koronadal ang donasyon para sa mga nangin biktima sang bagyong Sendong sa bahin sang Cagayan De Oro City kag Iligan City sang nagligad nga Disyembre 26 kag 27, 2011.

Ginpamunuan ni City Social Welfare Development Officer Mary Jane Martha Gabucan, City Planning Officer Agnes Daguro, City Budget Officer Julieta Gastala kag City Environment and Natural Resources Officer Augustus Bretania ang pagturn-over pinaagi kay Mayor Vicente Emano sang Cagayan De Oro City kag Mayor Laurence Lluch Cruz sang Iligan City ang financial assisatnce kag mga relief goods.

Gilayon nga nag-aksyon si City Mayor Peter B. Miguel, pinaagi sa paghatag sang cash assistance nga naglab-ot P200,000.00 nga ginsuportahan man sang Sanguniang Panglunsod para sa duha ka syudad nga lubos nga naapektuhan sang nasambit nga bagyo sa diin madamo ang nagkalamatay kag nagkalaguba nga mga propidad.

Nakatipon man ang syudad sang mga donasyon gikan sa South Cotabato Chamber of Commerce nga nag lab-ot sa P25,000.00, CEAKOR, kag Sablon Family nga naghatag sang tag P10,000.00. Nagpatigayon man sang initiatibo nga “Peso mo Buhay Ko “ ang mga empleyado sang syudad para sa biktema ni sending sa diin upod man ini nga gin turn-over.

May kaangtanan sini daku naman ang pagpasalamat sang duha ka alkalde sa nasambit nga donasyon. Suno pa sa ila nga daku gid ang mabulig sini sa ila nga sa karon nagapangatubang sang krisis. Ginadugang pa sini nga wala gid nila ginalauman ang hugot nga suporta sang mga nagkalainlain nga LGU kapareho sang Koronadal.

CIO Staff: Henry Mortejo

Read more »

HIDDEN TREASURE SANG SYUDAD GINAHIMU-AN NA SANG KOMPREHENSIBO NGA PLANO

Ginatun-an na karon sang City Environment and Natural Resources ukon CENRO ang pagtukod sang Comprehensive Development Plan para sa SIOK Extreme River Trekking Adventure nga nahamtang sa bahin sang Sitio Siok Barangay Mabini Syudad sang Koronadal.

Ginpahayag ni City Environment and Natural Resources Officer Mr. Augustos Bretaña, nga bag-o paman opisyal nga buksan sa publiko ang nasambit nga lugar dapat nga may yara sang kongkreto nga mga plano kag mga regulasyon nga ipatuman sa lugar agud nga ma protektahan ang nasambit nga dunang mangad.

Kinahanglan man nga masekyar ang mga aspeto sa bahin sang social, environment, peace and order kag ang pag patigayon sang rehabilitasyon. Isa man sa basic nga Information nga ginakinahanglan amo delineation of land uses, local protected area, spring sources rehab and protection, pagpatigayon sang survey sa nagkalinlain nga mga natural species sa nga yara sa lugar.

Ang Siok Extreme River Trekking Adventure ang isa sa gina promote karon sang syudad bilang tourist destination sa mga mahiligon sa nature. Subay sa panaysayon sang mga veteran mountain climber nga nahauna na nakasaka sa lurgar nga ang categoria sang Siok Extreme River Trekking adventure ang sarang makakompetensya sa national. Gindayaw man nila ang syudad sang koronadal bangud nga naamligan sini sang maayo ang isa ka ginakambig hidden treasure.

Read more »

Koronadal City PNP hinangaan.

From: Southern recorder Sa Kuko ng Agila (Released Dec.3, 2011)

Koronadal City Peace and Order situation is getting better as of this date due to the effort of our PNP headed by City Director Police Superintendent Michael Forro Lebanan. Sa kasalukuyan medyo naka adjust na ang OIC Chief of Police sa kanyang taktika upang mapanatili ang katahimikan sa buong syudad ng Koronadal.
Naibsan rin ang Illegal No. Games o lasto sa buong syudad dahil sa maigting na kampanya n gating kapulisan laban sa nasabing Illegal Gambling. Sana tuloy tuloy na ang katahimikan sa syudada ng Koronadal.

Nananawagan an gating kapulisan sa sambayanan na tulungan sila to maintain Peace and Order sa pamagitan ng pagreport sa ating kapulisan ng ano mang kahinahinalang mga kilos ng mga masasamang loob na kanilang makikita sa paligid.

Sa Koronadal City PNP headed by Police Superintendent Michael F. Lebanan Keep up your Good Works at mabuhay Kayong Lahat!

*  Salamat sa positive feedback sa Koronadal City PNP

Read more »

GARDENER’S CLUB SANG SYUDAD SANG KORONADAL, GINA-IMPLEMENTAR NA

Lubos na nga gina-implementar sang Lokal nga pamunu-an sang syudad sang Koronadal ang programa nga gulayan sa ugsaran ukon Gardeners Club. Ang nasambit nga programa ang nadihon base naman sa P.E.T.E.R. Agenda ni City Mayor Peter B. Miguel sa idalom sang ”Malusog at Protektadong Mamamayan.” Ini ang ginpa-idalom naman sa talatapan sang City Nutrition sa pagpamuno ni City Nutrition Action Officer Veronica Daut.

Ginhatagan punto ni Mayor PBM nga ang pagdihon sang Gardener’s Club ang isa ka maayo nga paagi agud maangkon sang syudad ang supisyente nga utanon. Katuyu-an naman sini agud masolbar ang problema sang malnutrisyon sang mga kabataan ilabi na sa bahin sang mga pre-schoolers.

Samtang, agud maporsige ang 27 ka mga barangay sa pagpatuman sang amo nga programa, ginmandu-an ni PBM ang tanan nga mga punong barangay nga magpasar sang isa ka executive order. Bangud sini, lima ka mga major officers sa tagsa ka barangay ang ginpili agud magpanguna para sa implementasyon sang Gardener’s Club.

Nakaangkon naman sang pagdayaw ang nasambit nga programa halin sa Department of Agriculture (DA) Sec. Proceso Alcala. Kaangot sini, isa ka complete set of gardening tools upod ang pinakbet seeds ang ginhatag ni Alcala sa syudad paagi sa iya representante nga si Mr. Nonoy Jonsay. Nangin benepisyaryo naman sini amo ang mga kabataan nga naga-eskwela sa pampubliko nga eskwelahan sang elementary. Lubos naman ang pagpasalamat ni Mayor PBM sa suporta nga ginpakita ni Alcala sa amo nga programa.

By: Bic F. Manato

Read more »

Successful inventor

Isa ka engineer nga imbentor halin sa syudad sang Koronadal ang bag-o lang ginpasidungan sang Filipinnovation Network, assisted project sang Department of Science and Technology (DOST).

Si engineer Benjamin B. Hurtado Jr., nga residente sang Barangay Carpenterhill, syudad sang Koronadal, ang daku nga bugal sang Koronadal tungod sa iya invention nga DAIKKHA DEMUDIFIER Mechanical Dryer nga may daku nga potential sa pagbulig sa mga mangunguma nga mapanubo ang costs kag losses sa harvest.

Ang Filipinnovation Award, isa ka search para sa mga best inventions nationwide.

Bangod sa pagpaninguha ni Mr. Hurtado nga makadiskubre sang efficient alternative equipment nga makabulig sa mga farmer sang Koronadal, naka-imbento siya sang perfect demudifier mechanical dryer pagkatapos sang series of experiment.

Ang feature sang machine nga iya na-imbento maka dry sang 50 tons of rice paddy per 20 hours, may drying cost nga Php 3.00 only per sack (50 kg) of rice paddy, includes electricity and 3 man labor/operator, high discovery of rice grains after milling (69%), 15 HP total power requirement, environment friendly ( smoke furnace because of total combustion technology), Biomass Fuel 100 kgs of rice hull per hour, easy maintenance, parts are locally available, 15 years guaranteed lifespan of drying bin and quality food grade and hazard free rice grains.

Suno sa nasambit nga imbentor, una na nga nahatagan siya sang award bilang champion sang Department of Trade and Industry (DTI-12) sa ginpatigayon nga 2011 Regional Invention Contest and Exhibits (RICE) sa Likha Award Category kag sa subong ikaduha na nga award kag indi lang pang local kundi National Awardee sang Filipinnovation Network sang Nobyembre 25, 2011sa Mandaluyong City kadungan sa 4th Anniversary Celebration sang Filipinnovation.

Si “Jung” Hurtado ang nakabaton sang plaque of recognition kag cash prize nga Php 150,000.00 bangod sa exemplary performance sini sa business development as a start-up enterprise and contribution in building AB innovation- based economy.

Ang mga judges sa kadalag-an sang invention nga Mechanical Dryer ni Mr. Hurtado amo sanday Mario G. Montejo, DOST Secretary and Chairman of Filipinnovation Network, Fortunato T. Dela Pena, DOST Undersecretary and Co-Chairman of Filipinnovation Network, Francisco I. Ferrer, President EMS Consulting Group, Benel Lagua, President and Chief Operating Officer of Small Business Guarantee and Finance Corporation, James Velasquez, IBM Philippines Incorporated, Nestor Raneses,

Read more »

MANABE, A PERFECT EXAMPLE AND AN INSPIRATION

Mixed emotion ang nabatyagan ni Ginoong Noel R. Manabe sang nabaton sini ang Apolinario Mabini Award bilang Most Outstanding Disabled Filipino in Mindanao. Ang nasambit nga award ang personal nga ginhatag ni Presidente Gloria Macapagal-Arroyo sa Heroes Hall, Malacanang Palace sadtong Agosto 6, 2008. Ini paagi naman sa rekomendasyon sang Technical Education and Skills Development Authority (TESDA) Provincial matapos nga nakita ang pinasahi nga kinaiya kag paghimakas sini.

Nangin balasehan sang TESDA Provincial sa pagrekomenda kay Manabe amo ang sensiro sini nga pagbulig sa kapareho sini nga Persons with Disability (PWD) paagi sa pagpangita sang mga livelihood trainings. Magluwas sini, gindayaw man si Manabe bangud wala sapayan sang iya situwasyon, natapos sini ang kurso nga Bachelor of Science in Mathematics sa Sultan Kudarat Polytechnic State College paagi sa PESFA Scholarship.

Samtang, magluwas sa nasambit nga award, nangin bronze medalist man ini sa cooking contest, isa ka National Skills Competition sa Metro Manila, sadtong Disyembre 3, 2010.

Sin-o bala si Noel R. Manabe antes pa man ini nangin awardee? Kasubong sang iban nga persona nga nadulaan man sang pagla-um sa kaugalingon kag dismayado sa iya situwasyon, makatatlo ini ka beses nga nagpakamatay sa edad nga 12, 14 kag 16 anyos.

Wala ginkahuya ni Manabe ang pag-ako angot sa iya plano kuntani nga pagpakamatay paagi sa paghigot sa li-og, paglaslas sang pulso kag iban pa nga suicidal attempt. Nahibalu-an nga si Manabe ang isa ka biktima sang poliomitis sa edad nga sais anyos samtang naka-recover naman sa edad nga nueve anyos. Ini ang rason sang iya pagsuprer sang tuman nga depression.

Sa pihak nga bahin, sa bulig sang City Social Welfare and Development Office (CSWDO) sa pagpamuno ni CSDWO Mary Jane Martha Gabucan kag iban pa nga mga Non-Government Organizations (NGO’s), amat-amat nga nakabangon si Manabe sa iya depression.

Sa karon, si Manabe ang isa sa mga PWD nga dapat mangin ehemplo bangud ang iya kapisan kag kabakas ang mabudlay tupungan. Bag-o gid lamang, nakakuha naman ini sang suporta halin sa pila ka organisasyon nga amo naman ang naghatag sang artificial leg para sa mga PWD nga wala sang tiil.

By: Bic F. Manato

Read more »

36 ka estudyante sang Koronadal winner sa Regional Schools Press Conference.

Naglab-ot sa 36 ka mga estudyante sang elementary kag secondary dire sa syudad sang Koronadal ang winner sa ginpatigayon nga Regional Schools Press Conference sang Disyembre 7-8, 2011.

Sa individual contest sa Elementary English, 5th place sa Editorial Writing si Jillian Marie Eborde sang NDSSM, 2nd place sa Feature Writing si Lyrah May Galia sang KCES 2, 1st place sa Editorial Cartooning si Jmselle Tabsing sang Sto.nino ES, samtang 3rd place naman si Neriza Viado sang Marbel 4 ES. Sa photo Journalism 4th place si Aishah Mae Padernal sang KCES 2.

Sa Elementary Filipino 3rd place sa Feature Writing si Allan Ace S. Dignadice sang KCES 2, 4th place sa Sports Writing si Karen Umadhay sang Marbel 3 ES, 5th place sa Copyreading and Headline Writing si Mica Ella S. Landicho sang NDSSM kag 2nd place si Neverlyn S. Aniversario sang KCES 2. Editorial Cartooning 2nd place naman si Angelica Bautista sang Sto.nino ES kag sa Photo Journalism 3rd place naman si Chariz Ann L. Tajo sang NDMU-IBED.

Kaangot sini sa Secondary English 1st place sa News Writing si Gelvi Lacanaria sang KNCHS, 3rd place sa Editorial Writing si Andrea Kim Navales sang KCMI, 3rd place sa Sports Writing si Philip John Espinosa sang KNCHS, 1st place sa Copyreading and Headline Writing si Marc Louise Failon sang KNCHS, 3rd place sa Editorial Cartooning si Kim David E. Jabagat sang Marbel 7 NHS, 1st place sa Photo Journalism si Clarice Anne Calixton sang NDMU-IBED.

Samtang sa Radio Broadcasting English Category 1st place ang NDMU-IBED, ang mga participant ang ginkilala kanday Carriz Andrea Nana, Ian Mayordomo, Lea Kay Gorospe, Charmene Joy Lagos, Fe Emelle Padillo, Fjoyce Calixton, Yves Terana kag Kristina Alair.

Sa Secondary Filipino, Sports Writing 2nd place si Yazzer Venz Aguillon sang Marbel 7 NHS, 1st place sa Editorial Cartooning si Fritzgerald Lacar sang KNCHS, 2nd place sa Copyreading and Headline Writing si Mara Mana-ay sang Marbel 7 NHS, 1st place sa Photojournalism si Mabelle Leoncio sang NDMU-IBED.

Kon 1st place sa Radio Broadcasting English Category ang IBED, wala naman nagpa-ulihi ang KNCHS sa RSPC tungod 1st place man sila sa Radio Broadcasting Filipino Category ang mga participant amo naman sanday Ronah Fae Directo, Bethany Aise Co, Sheryll Joy Pablo, Gerlie Balabag, Marianne Joy Buatista, Ruben Jimenez kag Krystianne Paul de Pedro.

see awarding photos during the Flag Ceremony Monday Program, December 12, 2011

View Photos

Read more »

7 ka barangay nga nakapatigayon sang madamo nga RPM classes gin awardan.

Pito ka mga barangay dire sa syudad sang Koronadal particular na ang ila population coordinators nga nakapatigayon sang madamo nga Responsible Parenting Movement ukon RPM classes subong nga tuig ang ginhatagan sang certificate of recognition kag cash prize sang City Population Office sa pagpamuno ni Maam Nancy Adalin, RN.
Ang pito ka mga barangay nga nakabaton sang award amo ang barangay Assumption, Caloocan, San-Isidro, Zone 4, Saravia, Topland kag General Paulino Santos (GPS).
May angot sini ang RPM Classes nga ginahiwat sang City Population Office ang isa ka programa sang National Population Commission humalin pa sang tuig 2007 tubtub subong nga hugot naman nga ginsuportahan ni Mayor Peter Bascon Miguel.
Katuyuan sang programa amo nga para ma-educate ang mag-asawa kon paano mangin responsable nga ginikanan kag ma-angkon ang kadalag-an sang pamilya base man sa ila resources.
Ginpasalamatan kag gindayaw man ni Mayor PBM ang mga population coordinator sang mga nasambit nga barangay sa effort nga ginhatag sa pagpatigayon sang RPM Classes.
Ginakabig naman sang alkalde nga isa sa efficient nga opisina sang city government sang Koronadal ang City Population tungod sa madamo nga programa nga ginapatigayon sa barangay sa pagpapag-on sang pag-updanay sang pamilya.

Read more »

4H Club sang Brgy. Concepcion, aktibo sa programa angot sa Herbal medicine kag Tea Making

Aktibo sa pagpatigayon sang programa angot sa Herbal kag Tea Making ang 4H Club sang Brgy. Concepcion, ini matapos nabatunan sang nasambit nga club ang financial loan assistance halin sa Department of Agricultur-Agricultural Training Institute (DA-ATI) nga nagakantidad sa P50,000.00.Nahibaluan nga una ginrelease ang P25,000 bilang pauna nga loan assistance para sa Herbal medicine planting and making project sang grupo. Pipila sa mga herbal medicines amo ang Moringga, Sambong, Lagundi kag Tormeric okon Luyang Dilaw.
Sang damlaglamang, ginrelease naman ang dugang nga P25,000 bilang financial loan assistance para bag-o nga proyekto nga Herbal Tea making sang grupo. Ang nasambit nga Club ang ginapamunuan ni Engr.Danielle F. Apostol bilang volunteer leader kung sa diin kabahin sang iya lote ang iya gintanyag agud pagatamnan sang mga nasambit nga Herbal Plants.
Sa nahibaluan, ang 4H Club isa ka National Program nga aktibo nga ginaimplimintar sang subong nga administrasyon pinaagi sa City Agricultures Office. Ang nasambit nga Club ang ginalakipan sang mga out-of-school youth nga may edad 10-30 anyos kag ginapamunuan sang isa ka volunteer leader kag set of officers. Tinutuyo sang nasambit nga programa nga madiskobre ang potensyal sang mga kabataan sa bahin sang mga livelihood kag income generating programs agud mamahimo sila nga pradaktibo nga pumuluyo kag takos nga makabulig sa ila ginikanan. Ini isa man ka pamaagi nga mapasako ang mga kabataan agud sila makalikay sa mga hindi maayo nga impluwensya sang palibot kasubong sang mga ginadumili nga droga.
Sa pagkakaron ang 4H Club sang Brgy.Concepcion ang ginalakipan sang 30 ka miyembro lakip na ang mga opisyales kag isa sa masiling nga pinakaaktibo nga 4H Club sa ciudad sang Koronadal.

Read more »