ORDINANCE No.5,Series of 2006, hugot na nga ipatuman

Add caption

Andam nga magabulig ang tanan nga mga School Principals sang pribado kag pampubliko nga eskwelahan sa syudad sang koronadal para sa pagbantay sang mga estudyante nga nalulong sa Internet nga amo ang isa sa mga rason nga madamo sang mga estudyante ang naguba sa ila pagtuon.

Sa isa ka pagsinapol nga ginpatawag ni City Mayor Peter B. Miguel, ginpahayag sang mga principals nga isa sa daku nga ginaproblemahan subong nga panahon ang mga Internet Cafés/stations nga nagabayular sa ordinansya nga nagadumili-an sa pagsulod ukon paghampang sang computer sang mga estudyante sa elementarya kag High School umpisa alas 7 sang aga tubtob alas 5 sang hapon.

Ginhatagan punto sang mga ini nga basi sa mga na drop-out nga mga estudyante, 50 porsyento ang nalulong sa computer gaming. Luwas sini madamo pa sang ginpabutyag ang nasambit nga mga school principals nga makabig nga isa daku nga upang sa bahin sang edukasyon.

Bangud sini, ginpahayag ni Mayor PBM nga mas pabaskugon pa ang pagpatuman sang Ordinance No. 5 series of 2006 nga naga regulate sa tanan nga mga Internet Café sa syudad sang koronadal bangud sa madamo nga mga insedente nga nagin kabangdanan sa pagkaguba sang edukasyon sa mga kabataan.

Hana-una na nga nagpatigayon sang inspeksyon sa mga Internet Cafés ang Internet Operators Regulatory Board ukon IORB Inspectorate Teams kag madamo sang mga nadakpan nga mga Internet Cafés nga nagbayular sa ordinansa kag tigayon nga napinaltihan.

Isa sa nangin rason kung nga-a nagpatawag sang pagsinapol si Mayor PBM sa tanan nga mga Internet Operators para ipalab-ot ang nagkalain-lain nga mga reklamo kag problema nga nagtuhaw may kaangtanan sa ila operasyon dungan sa pag awhag sang kooperasyon kag tumanon ang mga pagsulondan nga ginapatuman para sa kaayuhan sang tanan.

Plano man ni Mayor PBM nga mag mag tukod sang Task Force nga amo ang magatutok sa implementasyon sang nasambit nga ordinansya, magpatigayon sang Information Education Campaign ukon IEC sa tagsa ka mga eskwelahan sa sydad agud nga dugang pa mapa-intende sa mga estudyante kag mga ginikanan ang mga probisyon sang nasambit nga layi. 

By: Henry M.

Read more »

48 KA MAGPARTNERS nag tambihanay palad

Nag lab-ot sa 48 ka mga mag partners ang nag tambihanay palad agud silyuhan ang ila pag -updanay bilang bag-o nga mag asawa sa magkasunod nga kasalan ng Barangay nga ginhiwat sa Barangay General Paulino Santos kag Barangay Sta. Cruz syudad, sang koronadal. Dose ang nagpakasal sa bahin sang barangay General Paulino Santos, kadungan sa ila pagselebrar sang kapistahan kag 36

naman ang sa bahin sang Barangay Sta. Cruz sa kasubong nga kahiwatan. Mismo si Mayor Peter B. Miguel, ang nag patigayon sang pagkasal nga ginsponsoran naman sang mga barangay officials kag ginpangunahan sang City Population office kag City Civil Registrar’s Office. Ang kasalan sa barangay ang nangin inisyatibo sang mga barangay officials sa bulig sang gobyerno local sang Koronadal.

May kaangtanan sini, ginpahayag ni Mayor PBM, nga isa sa katuyo-an kung nga-a may yara sang kasalan sa barangay, para mahatagan sang tyansa nga mangin lihitimo ang pag-updanay sang mag-asawa nga nahauna na nga nag live-in kag labaw sa tanan para sa kaayuhan sang ila mga kabataan.

By: Henry M.

Read more »

CTO and BPLD NO noon BREAK...

Gina-implementar na sang City Treasurer’s Office (CTO) kag sang Business Permit and Licensing Division (BPLD) ang “No Noon Break Policy.” Katuyu-an sini agud maserbisyuhan ang mga kliyente nga wala sang nagaka-igo nga oras para sa pagbayad sa ti-on sang office hour. Nahibalu-an nga ang nasambit nga tikang ang isa sa mga paagi agud mapasanyog ang koleksyon sang buhis sang syudad sang Koronadal. Una diri, mapag-on ang nangin desisyon ni City Treasurer Marloun Gumbao nga ipatuman sini ang tanan nga paagi agud mamentinar ang mataas nga koleksyon sang buwis. Ini matapos nga naapektuhan ang Internal Revenue Allotment (IRA) sang syudad bangud man sa illegal nga konbersyon sang pila ka mga munisipalidad agud mangin syudad.

Sa pihak nga bahin, kadungan sang implementasyon sang “No Noon Break Policy,” nagaserbe man sang libre nga kape, juice kag mineral water ang nasambit nga talatapan para sa ila mga kliyente. 

Samtang, magluwas sa CTO, naga-implementar man sang kasubong nga programa ang Business Permit and Licensing Division (BPLD). Katuyu-an sini, agud maserbisyuhan sang insakto ang mga negosyante ukon mga kliyente nga may plano nga magtukod sang negosyo sa syudad. Ang nasambit nga talatapan ang ginapamunu-an naman ni BPLD Officer Gilbert Gayosa.

By: Bix M.

Read more »

TWG para sa SANITARY LANDFILL, gintukod na!

Gintukod na ang Technical Working Group ukon TWG para sa plano nga konstraksyonsang Sanitary Landfill sang syudad agud magpatigayon sang pag tuon kag pagplano subay sa pagsulondan nga gintalana sang Republic Act 9003 ukon Ecological Solid Waste Management Act of 2000, nga nagapatuman kag nagapromote sang Environmentally-sound Techniques of Waste Recovery, Waste Utilization, Processing and Disposal.

Ang Technical Working Group ang pagabahinon sa duha ka kumitiba nga amo ang Conceptual Design Committee nga maga plano sang mga masunod. Pag desinyo sang Sanitary Landfill, mag-asister kag maghatag sang Technical Assistance sa pagpanday sang Sanitary Landfill Management Plan. Mag-asister kag magsupervise sang Implementasyon sang Sanitary Landfill kalakip ang pagdesinyo kag konstraksyon sang fasilidad kag pagpatigayon sang review kag evaluation sang outputs.

Samtang ang IEC Resource Mobilization Committee naman ang magapatigayon sang Information Education Campaign ukon IEC, partikular sa mga residente sang barangay kag purok kung sa diin pagatukoron ang nasambit nga proyekto. Maghimo sang mga pamaagi para mas mahangpan sang mga pumoloyo sang syudad ang importansya sang Sanitary Landfill kag sang adbokasiya sa tama nga paghimos sang basura. 

By: Henry M.

Read more »

STRATEGIC PLANNING WORKSHOP , angot sa Business Registration, Ginpatigayon!

Positibo ang nangin resulta sang 2 ka adlaw nga Strategic Planning Workshop angot sa Business Registration. Ini base sa mga outputs nga nadihon kag ginburuligan sang mga concerned offices agud mapanubo kag mapanami pagid ang eskema sang nasambit nga transaksyon. 

Sa nasambit nga workshop, ginpresentar sa mga pagtisipante ang bag-o nga processing scheme agud tuna-an pagid ang mga detalye sini ilabi nagid ang mga requirements nga hindi tanto ka importante kag nagatuga lamang sa pagkadilatar sang transaksyon. Pinaagi sa pag-identify sang nagkalainlain nga issues & concerns, nagkalainlain man nga mga rekomendasyon ang ginpalab-ot sang mga partisipante agud maimprobar pagid ang nasambit nga eskema. Ang nasambit nga scheme ang plano nga pagagamiton sa masunod nga renewal sang business permit para sa tuig 2012 kag mangin kabahin man sa igalunsar nga Citizen’s Guidebook. 

Samtang, gintalakay man ang mga problema angot sa mga nagadata kag ginabawal nga mga “talipapa” nga yara sa road right-of-way. Angot sini, ginaplanu ang pagtukod sang isa ka Task Force nga magakapanguna sa pagsugpo sang nasambit nga bayolasyon. Sa piyak nga bahin, ginplanuhan ang igapatigayon nga Business One-Stop-Shop sa City Hall sa subong nga tuig. 

By: Carol M.

Read more »

City Treasurer's Office (CTO) maid-id nga naga-inspection sa tanan nga mga kilohan

Maid-id karon nga gina-inspection sang City Treasurer’s Office (CTO) ang pagpang-inspection sang mga kilohan. Ang nasambit nga tikang ang ginapatigayon sa tanan nga mga establismento komersyal nga naga-usar sang mga kilohan. Ini ang ginalakipan sang mga tindahan ukon pwesto nga sakop sang merkado publiko kag mga talipapa. 

Katuyu-an sini agud maproteksyunan ang tanan nga mga konsumedores nga nagapabakal sa syudad sang Koronadal. Ang nasambit nga pagpang-inspection ang ginapangunahan mismo sang mga personnel naggikan sa CTO.

Kaangot sini, ginaagda man ang tanan nga mga establismento komersyal nga magapa-calibrate sang mga kilohan sa nasambit nga talatapan. Una diri, tatlo man nga public weighing scales ang ginbutang sa merkado publiko sang syudad. Katuyu-an sini agud mabalik ang kumpeyansa sang mga bumalakal sa merkado makaligad nga masami nga ginareklamo ang daya-on nga kilohan.

Nahibalu-an nga luyag ni City Mayor Peter B. Miguel nga mabalik ang kasadya sa pagpamakal sa merkado publiko sang syudad. Ini matapos nga masami man nga ginareklamo sang mga negosyante ang ila mahinay nga benta. 

By: Bix M.

Read more »