Notre Dame Sto.Nino champion sa Piyesta Korona

Nasungkit gid sang Notre Dame of Sto.Nino sang Sto.Nino, South Cotabato ang korona sa ginpatigayon nga Piyesta Korona, isa sa pinaka highlight nga event sa culmination program sang 12th Hinugyaw Festival 2012 kag 72nd Foundation Anniversary matapos mangin champion sa individual kag group category sa nasambit nga aktibidad.

Sa individual mardi gras competition may yara sang 30 ka mga contestants nga nagpartisipar Ang 1st place nakuha sang contestant #13, 2nd place contestant # 25 kag 3rd place contestant # 23.

Kaangot sini sa Piyesta Korona Float category, 1st place- Notre Dame of Sto.Nino, 2nd place- Polonoling Tupi National High School, 3rd place naman ang Cotabato City Central Pilot Elementary School.

Samtang sa group category champion Notre Dame of Sto.Nino, 1st runner-up- Cotabato Central Pilot Elementary School kag 2nd runner-up amo naman ang Esperanza National High School dire sa syudad sang Koronadal.

Ginpasalamatan man sang committee in-charge ang iban pa nga contigents nga nagpartisipar sa Piyesta Korona ang Isulan National High School, Datu Tahir Ampatuan Central Elementary School, Cotabato Dance Squad, Rotonda National High School, kag Marbel 3 Elementary School.

Pagkatapos sang awarding sa Piyesta Korona nagpalupad man sang mga sky lantern ang mga opisyal sang syudad sa pagpanguna ni Koronadal City Mayor Peter B. Miguel kag ginsundan man ini sang pagsanag sang kalangitan tungod sa mga maanyag nga fireworks.

Linibo naman nga katawhan ang naglantaw sa Piyesta Korona kag daku ang kalipay ni Mayor Miguel tungod magluwas nga daw indi mahulugan sang dagum ang kadamuon sang tawo nga naghinugyaw man sa pagsaksi nalapnag pa gid sa kabug-osan nga rehiyon dose kag iban pa nga rehiyon dire sa pungsod Pilipinas ang ‘Kanami Koronadal’.

By: Airyn B. Sucion

Read more »

Foam party gindagsa sang 50 mil nga katawhan

Gindagsa sang indi magnubo sa 50 ka libo nga katawhan nga halin pa sa nagkalain-lain nga probinsya dire sa rehiyon dose kag lakip man ang mga langyaw ukon foreigner ang foam party/disco sa kalye sang syudad sang Koronadal sa pagtakop sang 12th Hinugyaw Festival 2012 kag 72nd Foundation Anniversary nga ginpatigayon sa gensan drive.

Nasayran nga puno sang kalipay nga naga hinugyaw ang mga disco goer tungod sa mga maanyag nga mga sonata nga ginapatokar sang madamo nga mga sound system sa gensan drive kag sa mga lights sini.

Magluwas sini indi lamang mga disco goer ang nalipay sa amo nga aktibidad kundi pati ang mga gagmay nga mga negosyante sa palibot tungod nga naka-income man sang daku.

May angot sini, aminado naman ang mga katapo sang kapolisan nga wala nila gina-expectar ang pagdagsa sang madamo nga katawhan sa amo nga aktibidad apang daku na lamang ang ila man pagpasalamat tungod sa pihak sini natapos ang aktibidad nga wala man sang mga dalagku nga ontoward incidents nga natabo.

Ginpasalamatan naman ni Mayor Peter B. Miguel ang tanan nga katawhan nga nagpartisipar sa kadalag-an sang aktibidad kag lakip man ang working committees nga nagtrabaho gid sang insakto rason nga nangin madinalag-on ang paghiwat sang Hinugyaw Festival.

By: Airyn B. Sucion

Read more »

HANDURAWAN, gindagsa!

Gindagsa sang mga bisita kag mga tumalan-aw ang pagbukas sang Veterans Exhibit nga gintiguluhan “War of our Father…A tribute to the Filipino Freedom Fighters”, sang tinalikdan nga Enero 4 sa City Hall Lobby. Ini ang gintambungan sang mga bisita nga naghalin sa Department of History, mga empleyado sang gobyerno lokal,Veterans Bank kag pipila ka mga veterans sang World War II sa diin sila ang nagapabilin nga buhi nga testigo sang herorismo sang mga Filipino sa panahon san World War II.

Ang nasambit nga exhibit ang ginpagunahan sang Veterans Bank in partnership sa gobyerno lokal sang Koronadal.Ini ang may tinutuyo nga mapakita sa subong nga henerasyon ang mga kaagi kag eksperyensya nga naaguman sang mga Filipino sa ila pakigbatok sa mga mananakop nga Hapones. Pinaagi sa mga litrato kag film showing, makit-an kag maapresyar sang mga tumalan-aw ang mga nangin bayad sang kahilwayan nga naeksperyensyahan sa pagkakaron.

Samtang sa nasambit nga exhibit, gindugok sang mga tumalan-aw ang isa sa mga buhi nga bitirano nga si Jose Enrijo, 96 yrs.old kag residente sang Barangay GPS, syudad sang Koronadal. Wala pagduha-duha nga gintudlo ni Enrijo ang iya litrato nga nakadisplay sa exhibit area sa diin solo siya nga nakuhaan kapot ang isa ka armas. Suno pa sa iya, sa nasambit nga litrato siya nagapangidaron sang 16 anyos sang siya naghimbon sa grupo sang mga guerilla.

Nahibaluan nga ang nasambit nga exhibit ang magalawig tubtob Enero 16. Isa man sa atraksyon sang exhibit ang mga antigo nga kagamitan kag armas luthang sang mga sundalo kag guerilla.

Sa pihak nga bahin, nangin emosyonal naman si Sgt. Menandro Lapuz sa ginpatigayon nga Wreath Laying kag commemoration program para sa 17 ka Martyr sang Koronadal. Si Lapuz ang lone survivor kag bata sang isa sa mga martyr ang naghatag sang iya response message sa diin iya ginpaabot sa mga opisyales sang gobyerno lokal ang iya kalipay sa rekognasyon kag pagpasidungog nga ginhatag sa 17 ka mga Martyr pinaagi sang isa ka ordinansa. Ginpangunahan naman sang 17 ka mga Layco ang pagbasbas sang lubnganan sang mga Martyr nga nahamtang sa KCES-I.

Samtang sa programa, ginhangkat ni City Mayor Peter B. Miguel ang katawhan nga mangin modern heroes sa subong nga henerasyon pinaagi sa pakigbahin sa mga programa sang gobyerno nga may kaangtanan sa pag-atiman kag pagpreserbar sang palibot kag kinaiyahan.

Gindagsa naman sang mga estudyante nga luyag makabalo sang history sang Koronadal ang ginpatigayon nga Handurawan, isa ka theatrical presentation nga ginpapelan sang Hinugyaw Dance Troupe. Kinalain sang nasambit nga palabas sa mga naliligad amo ang pagbahin sini sa 7 ka episode sa diin ini ang ginpanami kag mas ginpabongga pa.

Ang Handurawan ang gindihon agud sa paghatag pagpasidungog sa mga local heroes sang syudad kadungan sa selebrasyon sang 72nd Foundation Anniversarey kag 12th Hinugyaw Festival.

more pictures: click

Read more »

8 shooters, top 2nd Mayor PBM Cup 2012

Walo ka mga shooter sa pistol kag shotgun match ang nag top sa bag- o lang natapos nga 2nd Mayor Peter B. Miguel Practical Shooting 2012 sa ikaduha nga adlaw nga pagpatigayon sang 12th Hinugyaw Festival kag 72nd Foundation Anniversary sang ciudad sang Koronadal.

Sa production division pistol match, champion ukon ‘top shooter’ si Alejandro, Bernardo nga nakakuha sang 100% nga score, ‘sharp shooter’ naman si Tuan Dibu kag ‘the marksman’ si Tillano, John Paul.

Kaangot sini sa classic division pistol match, champion ukon gintawag naman nga ‘the expert’ si Delgado Warner sa score nga 100%, ‘sharp shooter’ naman si Zapatos Arnel kag ‘marksman’ si Ancheta, Damian.

‘Top shooter’ man sa standard division pistol match, si Tan Joel, ‘sharp shooter’ si Sira, Kelvin George kag ‘marksman’ naman si Caras, Celso.

Wala naman nagpaulihi sa revolver match, (standard division) ang provincial director sang South Cotabato Police Provincial Office nga si Police Senior Superintendent Randolf Delfin nga champion ukon top shooter man tungod nga nakakuha sang score nga 100% kag sharp shooter naman si Santos, Esmeraldo.

Samtang sa shotgun match standard semi-auto ranking, ang ‘top shooter’ amo si Inso, Nolan, ‘sharp shooter’ si Rizano, Rodney kag ‘marksman’ naman si Roldan Jimmy.

Sa open semi-auto rifle ukon shotgun match ranking, ‘top shooter’ si Suela, Jose Maochi, ‘sharp shooter’ si Suela Berick kag ‘the marksman’ si Tuan Dibu nga nag 2nd place sa production division pistol match.

Naglab-ot naman sa magsobra 140 shooters ang competitors sa sini nga 2nd Mayor PBM Practical Shooting nga ginhiwat sa Barangay Morales Shooting Range.

Nagmadinalag-on naman ang nasambit nga shoot fest tungod nangin tayuyon kag wala man sang mga problema nga nagtuhaw sa scoring kag stages.

Ang chairperson sang committee on practical shooting amo naman si Police Superintendent Michael Lebanan, chief of police sang Koronadal City PNP.

Read more »

ROQUE reigns as Lakambini ng Koronadal 2012

18-year old Arielle Jasmine Roque reigns as Lakambini ng Koronadal 2012 after besting 8 other lovely candidates during the pageant night on January 9 at the South Cotabato Gym and Cultural Center.

Roque, who represented the Philippine National Police of Koronadal City, was also adjudged as Best in Swimsuit, Best in Formal Attire and Best in Interview. She will represent the City of Koronadal in the Search for Mutya ng South Cotabato in July.

On the other hand, Grezzle Mae Par of Brgy. Zone III was crowned Lakambini ng Kultura at Sining 2012 and awarded as Miss Amity while Liezlee Queen Jibala of Public Assistance Center and Free Legal Aid for Indigent Residents (PACFLAIR) bagged the Lakambini ng Turismo 2012 crown and the Best in Production and Miss Telegenic Awards.

Other winners included First Runner-up Windy Banaynal of UNO Ichiki and Second Runner-up Bernadette Yap of Chamber of Commerce who was also named as Miss Photogenic.

By: Wilyn Joy B. Nantes

Read more »

4,000 KA MGA INDIBIDWAL, NAGDALAGAN SA FUN RUN

Kapin sa 4,000 ka mga indibidwal ang nagpartisipar sa ginpatigayon nga Koronadal Fun Run 2012 sang nagligad nga Enero 7. Kaangot sini, temporaryo nga nangin “purple” ang kolor sang dalanon sa syudad sang Koronadal sang nagdalagan ang mga ini. Ang nasambit nga fun run ang tuigan na nga ginahiwat sang syudad sa ti-on nga may mga selebrasyon. Ini naman ang nangin balasehan agud kabigon ang syudad bilang home for fun run in the south. Ginpahayag ni City Mayor Peter B. Miguel nga katuyu-an sini nga ipakita sa iban nga lugar nga lunsay maayo ang panglawas sang mga koronadaleños.

Samtang, may yara sang 3 ka mga kategorya ang amo nga aktibidad nga ginalakipan sang 3 kilometer run (3K), 5 kilometer run (5K) kag 10 kilometer run (10K). Bukas naman ini sa tanan nga luyag magpartisipar wala sapayan sa estado sang kabuhi.

Sa pihak nga bahin, ang mga nagdala-og sa nasambit nga fun run amo ang masunod:

3K Girls Division: Address Time
Champion – Janyl Kate Ubas Brgy. Zone II 12:97’
1st Runner-up – Julia Kair Dumaguit Brgy. Zone II 15:93’
2nd Runner-up – Remeia Pulido Brgy. Zone II 17:13’
3rd Runner-up – Kristine Nicole Lorenzo Brgy. Saravia 32:66’
4th Runner-up – Rica Pantaleon Brgy. Zone II 46:55’

3K Boys
Champion – Chris King Gumpal Brgy. Saravia 10mins 1st Runner-up – John Mariohe Lawian Brgy. Zone II 10:11’
2nd Runner-up – April John Tenoro Brgy. Saravia 10:37’
3rd Runner –up – John Cedric Belmes Brgy. Zone II 10:53’
4th Runner-up – Rueben Atanoso Brgy. Zone II 11:02’

5K Women
Champion – April Sioson Brgy. San Isidro 16:30’
1st Runner-up – Elizabeth Villanueva Brgy. Sta. Cruz 18:56’
2nd Runner-up – Irene Bulbeque Banga 20:23’
3rd Runner-up – Jenerod Testa Brgy. Rotonda 21:54’
4th Runner-up – Barbie Doll Pantua Brgy. Saravia 24:20’

5K Men
Champion – Ryan Puylong Brgy. Rotonda 15:48’
1st Runner-up – Robin Oliveros Brgy. Rotonda 15:55’
2nd Runner-up – Jonard Saem Brgy. Sta. Cruz 16:15’
3rd Runner-up – Junelito Canoy Brgy. San Isidro 16:41’
4th Runner-up – Aaron Lorico Brgy. GPS 17:13’

10K Women
Champion – April Diaz Brgy. Zone IV 43:23’
1st Runner-up – Keth Karen Brgy. Rotonda 43:53’
2nd Runner-up – Evangeline Villanueva Surallah 48:10’
3rd Runner-up – Margie Dalupo Koronadal PNP 59:06:51
4th Runner-up – Heslyn Maugan Koronadal PNP 59:06:51

10K Men
Champion – Danielee Diego Brgy. Sta. Cruz 35:24’
1st Runner-up – Royce Mariano Brgy. Saravia 36:32’
2nd Runner-up – Chelieto Tonic NDMU 36:37
3rd Runner-up – Ronie Paderna New Pangasinan 37:07’
4th Runner-up – Diosdado Munar Brgy. Magsaysay 37:20’

Read more »

KATAWHAN, HINUGYAW NA!

Naghinugyaw na ang mga katawhan sang syudad kadungan sa pagbukas Sang 72nd Foundation Anniversary kag 12th Koronadal Hinugyaw Festival sang Enero 6, 2012. Nangin “keynote speaker” sa nasambit nga aktibidad amo si Cong. Lorenzo “Erin” Tañada, III sang Quezonn Province. Kadungan sang iya pag-abot, isa ka “press conference” ang ginpatigayon sa diin nangin sentro sang topiko amo ang “impeachment” ni Justice Secretary Renato Corona, health services kag isyu sa mina kag elektrisidad sa pungsod.

Samtang, antes pa man ang pag-abot ni Tañada, una na nga ginpatigayon ang Veteran’s Exhibit sa City Hall lobby nga nag-umpisa sadtong Enero 4. Makit-an diri ang nagkalain-lain nga laragway sang mga beterano nga ginakabig nga baganihan nga amo naman ang nag-ula sang ila dugo agud maangkon ang kahilwayan sang pungsod sa diin ang syudad sang Koronadal ang isa sa mga nakabenisyo sini. Ginsundan man ini sang Wreath Laying sa 17 Martyrs’ Shrine sa diin ginpatigayon ang 17 gun salute subong man “candle and flowers offerings.”

Sa pihak nga bahin, nangin “colorful” man ang ginpatigayon nga motorcade nga ginpartisiparan sang mga government officials sang syudad upod ang nagkalain-lain nga government kag non-goverment organizations (NGOs), media kag mga pribado nga sector.

Ginsundan ini sang Settler’s Night sa diin isa ka stage play ang ginpatigayon nga gintawag nga ”Handurawan.” Katuyu-an sini indi lamang panumbalikan ang mga nagliligad apang agud ma-edukar ang mga katawhan sang syudad ilabi na sa bahin sang mga kabataan may kaangtanan sa maragtas sini. Samtang, opisyal man nga nag-umpisa ang Kasadyahan sa Park nga magalawig tubtub Enero 10. Samtang, wala naman sang rason nga indi makabugtaw sang temprano ang mga katawhan agud magpartisipar sa mga aktibidades bangud sa pagpamukaw sa mga ini adlaw-adlaw.

Sa pihak nga bahin gindagsa naman sang nilibo ka mga tawo ang ginpatigayon nga celebrity night featuring ang Aegis Band, isa ka kilala nga banda halin sa Manila.



visit: Koronadal Hinugyaw Festival

Read more »