Ginkalipay sang mga residente sang Barangay Saravia, syudad sang Koronadal ang ginpanghatag nga household electrical wiring materials kahapon nga adlaw sa barangay hall sang nasambit nga barangay.
Ginpangunahan ni Maam Yoly Tabingo, executive secretary ni Mayor Peter Bascon Miguel, Barangay Kapitan Gregorio Presga kag sang barangay council ang pag-award sa mga benipisyaryo.
May angot sini, naglab-ot sa 106 ka mga pamilya ang naka-avail sang amo nga household electrical wirings.
Nasayran nga ang pondo nga ginbakal sa mga nasambit nga kagamitan ang halin mismo sa development fund ni Mayor Miguel para sa electrifikasyon.
Bangod sini, hugot naman ang pagpasalamat kag kalipay ni Sitio President Miguel Bungon sa proyekto sang city government nga ginhatag sa iya sitio.
Katuyuan sang Alkalde sa paghatag sang proyekto amo nga para mapasug-an ang bilog nga Sitio sa palaabuton nga Disyembre 16, 2011 kadungan sa ika-21 nga Foundation Anniversary sang Sitio Cabuling.
Ang extension sang linya sa amo nga sitio ang ginpatigayon man sang South Cotabato Electric Cooperative-1 (SOCOTECO-1) sa idalom sang Sitio Electrification Program (SEP) ni President Noynoy Aquino/ Pnoy.
By: Airyn B. Sucion
106 families sa Barangay Saravia nakabaton sang Household Electrical Wirings.
12:14 AM
007
