40 smoke violators dire sa syudad,nadakpan

Naglab-ot sa 40 ka mga smoke violators dire sa syudad sang Koronadal ang nadakpan kag napenaltihan kahapon nga adlaw sa ginpatigayon nga pagpanakop sang City Environment and Natural Resources Office sa pagpanguna ni CENRO Officer Augustus Bretania kaupod ang kapolisan kag pipila ka media practitioner, bangod sa pagbayolar sa Republict Act 9211 section 5-10 ukon Anti Smoking Law.
Ginpatuman ang dakpanay sa mga nagbayolar sa mga pampubliko nga lugar dire sa syudad kapareho sang Mercado publiko, terminal, mga dalanon kag establishememento commercial.
Ang mga nagbayolar ang ginpabayad sang isa ka gatos kada isa bilang penalidad para sa first offense.
Ginhatagan pa punto ni Britania nga ang first offense ang nagakantidad sang Php100.00, second offense Php 200.00, third offense Php 300.00 kag ang fourth offense amo ang pag file sang complaint sa violators sa nagakaigo nga korte.
Gindugang man sang Cenro Officer nga pursigido ang city government nga ipatuman ang leye subay man sa mando ni Mayor Peter Bascon Miguel nga protektahan ang katawhan sa epekto sang sigarilyo sa ikaayong lawas sang tawo ilabi na ang epekto sang passive smoking.
Ang nasambit nga pagpanakop ang nangin madinalag-on tungod magluwas nga madamo ang nadakpan nakahatag pa sang alarma sa pipila nga sundon ang leye.


By: Airyn B. Sucion