142 KA MGA PASYENTE, NAKABENEPISYO SANG LIBRE NGA SURGICAL MISSION SANG LGU-KORONADAL

142 ka mga pasyente ang nakabenepisyo sang libre nga surgical mission sang LGU-Koronadal. Ini ang ginalakipan sang 74 ka mga pasyente sa bahin sang minor operation samtang 68 naman sa bahin sang major operation.

Kalakip sa mga balati-an nga ginpaidalom sa operasyon amo ang masunod: cataract, gall bladder, hemorrhoid (almoranas), goiter, mayoma, ovarian cyst, hernia, sungi kag mga nagsuprer sang mga bukol sa lawas.
Kaangot sini, lubos ang pagpasalamat sang mga pasyente kay Mayor Peter B. Miguel bangud sa nasambit nga programa. Nahibalu-an nga indi lamang libre nga operasyon ang nabenepisyo sang mga pasyente apang lakip man ang libre nga bulong tubtub nga maga-ayo ang mga ini.

Samtang, ginpahayag ni Mayor PBM nga liwat nga magapatigayon sang kasubong nga programa ang LGU-Koronadal sa April 25, 2012. Ini ang kadungan naman sa igapatigayon nga Tuli Festival tagsa ka summer. Gindugang pa sang alkalde nga mangin tuigan na nga aktibidad ang libre nga operasyon sa idalom sang iya programa nga “Paghatag Bulig sa Maysakit (PBM)” Ang paghatag importansya ni Mayor PBM sa bahin sang ikaayong lawas ang kabahin man sang iya programa nga “Malusog at Protektadong Pamayanan” sa idalom sang P.E.T.E.R. agenda.
Sa karon, liwat na naman nga nagapanawagan si Mayor Miguel sa mga pumuluyo sang syudad sang Koronadal nga nagasuprer sang balati-an. Suno sa iya, amat-amat na nga magpalista sa tagsa ka mga midwives, health workers ukon magpadulong sa City Health Office. Ini agud mahibalu-an ang numero sang mga pasyente nga natalana nga pagahatagan sang kasubong nga medical attention.

Sa pihak nga bahin, bangud sa nasambit nga programa, pagalauman ang pagbalik sang TAU MU SIGMA PHI, University of Sto. Tomas Medical Fraternity sa syudad sa madason nga tuig nga amo naman ang nagapanguna nga partner sang alkalde. Madumduman nga ang libre nga surgical mission ang naglawig sa sulod sang tatlo nga adlaw nga nag-umpisa sang Nobyembre 23 tubtub 25, 2011.

Kalakip naman sa mga doctors nga naghatag sang libre nga serbisyo amo ang masunod:

1. Elvis Llarena, MD

2. Florentino Doble, MD

3. Gil Simeon, MD

4. Edmund Macaranas, MD

5. Dennis Aquino, MD

6. Carlo Manlangit, MD

7. Ricardo Magpoc, MD

8. Erbe Bugay, MD

9. Michael Yambot, MD

10. Edmun Mercado, MD

11. Angelito Alava, MD

12. Aristotle Roque, MD

13. Kevin Rocamora, MD

14. Rafael Dizon, MD

15. Pamela Español, MD

16. Anthony Laurence Escovidal, MD

17. Dante Eugenio, MD

18. Ryan Oscar Aplicador, MD

19. Daniel Yap, MD

20. Archie Apostol, MD

21. Jurina Joy Macailing, MD

22. Kathrin Myla Jan Amonceda, MD

23. General Santos Doctor’s Hospital

24. Sultan Kudarat Doctor’s Hospital

Bic F.M.