8:30 PM
007
Ginkalipay sang mga pumuluyo sang syudad ang pagbaha sang bomba. Ini bangud man sa pagpanagtag sang jetmatic pumps sa mga puroks sang 27 ka mga barangay. Ang nasambit nga proyekto ang ginpangunahan mismo ni City Mayor Peter B. Miguel sa diin personal sini nga gin-turn over sa mga benipisyaryo.
Madumduman nga una na nga ginpromisa si Mayor PBM sa mga pumuluyo kadungan sa iya ginpatigayon sadto nga State of the City Address (SOCA) ang may kaangtanan sa amo nga proyekto. Nahibalu-an nga luyag sang alkalde ang matinlo kag luwas sa mikrobyo nga tubig para sa mga katawhan sang syudad. Ini naman ang kabahin sang iya programa nga Malusog at Protektadong Pamayanan sa idalom sang P.E.T.E.R Agenda.
Nahibalu-an nga madamo na nga mga puroks ang nakabenipisyo sang jetmatic pump sa diin ang pinakabag-o nga nakabaton amo ang pila ka mga puroks sa Barangay Carpenter Hill, Concepcion, San Roque, Esperanza kag Mabini. Samtang, naghingyo naman si Mayor PBM sa mga puroks nga wala pa nakabaton sang kasubong nga proyekto nga maghulat lamang sang diotay nga tiyempo kadungan sang padayon nga pag-follow-up sa iya talatapan.
