8:46 PM
007
Syento porsyento nga magasuporta ang mga negosyante sang syudad sang Koronadal sa igapatigayon nga pinakauna nga Negosyo Festival, ini ang ila ginpasalig sa ginpatigayon nga City Tourism Council meeting nga gintambungan sang mga miyembro sang nasambit nga konseho sa diin kabahin diri ang mga katapo sang Koronadal Chamber of Commerce kag Association of Hotels, Restaurant and Resorts Owners.
Una diri, ginhingyo ni City Mayor Peter B. Miguel ang bug-os nga suporta kag partisipasyon sang mga negosyante agud nga mangin madinalag-on ang pagpatigayon sang nasambit nga kapistahan. “If everyone will participate, we can create opportunities. The moment we can prove to them, to our people and to other cities and municipalities that everything is “on sale”, then next year we can see the effect. Nothing is impossible, if we will start it now”, hangkat pa sang alkade.
Bilang sabat sa panawagan ni Mayor PBM, nagkomfirmar na ang mga negosyante sang ila partisipasyon sa igapatigayon nga Grand Sale, Trade Fair kag OctoBeer Festival.
Sa piyak nga bahin, ginpasiguro naman sang Koronadal City PNP nga nakahan-ay na ang ila security plan nga igapatuman agud mangin matawhay ang palaabuton nga kapistahan.
