7:40 PM
007
 |
Chief of Police P/Supt. Michael F. Lebanan, nagpasalig nga maresolber ang makaalarma nga insedente sa syudad. Apang sa gihapon, ginahingyo sini ang Kooerasyon sang tanan nga pumuluyo. |
Positibo si Chief of Police P/Supt. Michael F. Lebanan, MPA, nga maresolbar ang mga nagaluntad nga makaalarma nga insidente sa syudad sang Koronadal. Ini bangud man sa ginapatuman nga manhunt operation sang ila ahensya.
Nahibalu-an nga kabahin sang mga tikang nga ginapatuman sang Koronadal City PNP amo ang estrikto nga checkpoint sa tanan nga entrance kag exit sang syudad. Subong man, liwat nga pagbuhi sa programa nga kapkap bakal, deployment sang Barangay Peacekeeping Action Teams (BPATs), pakigsapol sa tanan nga mga habal-habal operators, scooters kag mga tricycle operators, kag pagpatuman sang inspection sa tanan nga mga habal-habal terminal sa syudad.
Samtang, nagapati si Lebanan nga matapna ang anuman nga insidente paagi sa 100% nga kooperasyon sang mga pumu luyo. Ginhatagan man sini pagtamod nga nagakadapat nga mangin alerto ang tanan sa palibot subong man mag-report dayon sa mga katapo sang otoridad sa ti-on nga may mga suspetyuso nga lihok sa ila komunidad.
Nahibalu-an nga naalarma ang syudad makaligad nga nagluntad ang serye nga pagpangawat sang mga motor nga XRM, pagpangluthang kag iban pa. Sa pihak nga bahin, nagapanawagan man si Lebanan sa mga pumuluyo nga likawan ang sensationalization sang balita. Ginkonfirmar man sini nga apat lamang ang kaso sang pagpangawat sang motor nga nagluntad sa syudad base sa report kag opisyal nga record sang ila talatapan.
Una diri, nakigsapol man si City Mayor Peter B. Miguel sa mga katapo sang kapulisan upod ang tanan nga mga punong barangay. Ini agud talakayon ang mga pamaagi sa pagtapna sang malain nga mga elemento. Nagapati si PBM nga kahimu-an sang organisado nga grupo ang nagaluntad nga mga insidente sa syudad.
