Mayor PBM nagaawhag sang Kooperasyon sa mga pumuluyo

Mayor PBM ginhangkat ang katapo sang DILG, NAPOLCOM kag PNP  

kaupod ang BPATs para sa pagpatuman sang hugot nga siguridad., 

kadungan sa pagbukas sang Crime Pevention Week. Syen porsento 

nga gintambungan sang 27 ka  Barangay ang nasambit nga selebrasyon. 

Ginpatigayon ang motorcade antes pa man pormal nga nagbukas 

ang  nasambit nga programa.

Ginaawhag ni City Mayor Peter B. Miguel ang hugot nga kooperasyon sang mga pumuluyo agud maresolbar ang nagaluntad nga kreminalidad sa syudad. Ginpahayag sini nga ginahimo na sang lokal nga pamunuan sang syudad ang tanan nga mga paagi agud matapna ang anuman nga insidente. Apang ini tanan mangin madinalag-on paagi sa hugot nga suporta kag partisipasyon nagikan sa mga pumuloyo.

Sa iya mensahe sa Opening Program sang Crime Prevention Week kadungan man sang Graduation Ceremony sang BPATs sa Rizal Park, ginhatagan punto ni Mayor PBM nga ilisipon na lamang ang mga inadlaw sang mga carnappers kag iban pa nga grupo nga may plano nga magpanggamo sa syudad.

Samtang, sa isa ka interview sa radio, ginpahayag man sang alkalde nga indi solusyon ang death squad agud ma-mentinar ang kalinong kag katawhayan. Sa pihak nga bahin, ginhangkat ni Mayor PBM ang mga BPATs nga gamiton na sang mga ini ang ila natun-an sa gintambungan nga enhancement training agud makabulig ang mga ini sa pagbantay sang kalinong sa palibot.