8:58 PM
007
Pormal na nga ginlunsar ang mga aktibidades sang syudad paagi sa isa ka Press Conference may kaangtanan sa nagahilapit nga 11th Charter Anniversary kag 1st Negosyo Festival. Mangin sentro sang selebrasyon ang pagpasanyog sang mga negosyo sa syudad nga mangin indikasyon man sa pag-uswag sang ekonomiya. Magluwas sang mga private media practitioners, nakigbahin sa nasambit nga pagtilipon ang mga Information Officers sang nagkalainlain nga National Line Agencies sang Rehiyon Dose.
Magluwas sa pagpakilala sa mga bag-o nga aktibidad kasubong sang Beta Splenden’s and Gold Fish Cup, Sikad Koronadal, kag PIG-Diriwang Festival, ginhatagan importansya sang alkalde ang igapatigayon nga Grand Sale bilang isa sa mga highlights. Kadungan sini, ginhingyo sang alkalde ang bug-os nga suporta sang mga negosyante subong man ang pag-ugyon sang mga pumuluyo sa pagpartisipar kag pakigbahin para sa kadalag-an sang palaabuton nga selebrasyon.
Sa piyak nga bahin, ginpatigayon man ang pikaauna nga Video Konsyerto sa Bay Walk bilang pamatuod sa maayo nga seguridad sang syudad. Ginkalipay naman ini sang mga tumalan-aw sa diin ginalauman sang mga ini ang padayon nga kalingawan. Bangud sa positibo nga reaksyon sang mga tawo, ginpahayag ni Mayor PBM ang regular nga pagpatigayon sang nasambit nga aktibidad tagsa ka adlaw sa sabado.
