9:03 PM
007
Nagmadinalag-on ang selebrasyon sang World Rabies Day sang syudad sang Koronadal sang damlag lamang. Kaangot sini, ginpatigayon ang kinaandan nga aktibidades sang City Veterinary Office nga ginpangunahan ni City Veterinarian Dr. Charlemagne Calo.
Samtang, kalakip sa tuigan nga aktibidad sang nasambit nga talatapan amo ang pagpangbakuna batok sa rabies subong man pagpangapon. Kaangot sini, 40 ka mga ido ang natigayon nga nabakunahan samtang 24 naman ang ginkapon sa Rizal Park.
Nahibalu-an nga ang pagpangpakuna kag pagpangkapon sang mga ido sa syudad ang indi lamang ginapatigayon tagsa ka selebrasyon sang World Rabies Day apang ini man ang ginapatigayon sa bug-os nga tuig. Ini kalakip man sa regular nga programa sang City Veterinary Office bilang suporta sa programa ni City Mayor Peter B. Miguel sa idalom sang ikaayong lawas bilang kabahin sa P.E.T.E.R. Agenda.
