9:09 PM
007
Kadungan sa pagbukas sang 11th Charter Anniversary sang syudad sang Koronadal sa diin mangin sentro amo ang 1st Negosyo Festival, nagpatigayon gilayon sang Tree Growing activity ang mga empleyado sang syudad sa pagpamuno ni City Mayor Peter B. Miguel.
Kaangot sini, pagkatapos sang ginpatigayon nga Fun Run sang Oktobre 1 sang aga, gilayon nga nagpadulong sa kilid sang suba sa bahin sang barangay Concepcion para sa pagpananum sang kahoy, bilang kabahin sa pagprotekta sang dunang manggad nga isa sa ginahatagan sang daku nga pagtamod ni Mayor PBM.
Samtang sa amo man nga lugar kag oras nagpatigayon man sang pagpangtanum sang kahoy ang mga katapo sang Kapisanan ng mga Brodkaster sa Pilipinas ukon KBP South Cotabato Chapter kag mga katapo sang Department of Environment and Natural Resources ukon DENR.
Katuyo-an sang nasambit nga hublag agud suportahan ang pungsodnon ang programa sang gobyerno nga amo ang National Greening Program nga kung sa diin dungan nga nagpananom ang tanan nga mga katapo sang KBP sa bilog nga pungsod.
