7:33 PM
007
Masobra 500 ka mga myembro sang Barangay Peacekeeping Action Teams ukon BPATs ang nagtapos sa ginpatigayon nga serye sang training sa 27 ka kabarangayan sang syudad. Sa nasambit nga training, madamo nga mga topiko ang gin han-ay agud nga lubos mahangpan sang mga ini ang tagsa nila ka obligasyon kag responsibilidad.
Kaundad nga mga topiko sa nasambit nga training amo ang 8 Core Values sang syudad nga ginhan-ay ni Mr. Oca Maa-ay, Duties and Functions of Barangay Tanod/BPATs paagi kay P/Supt. Michael F. Lebanan, OIC-Chief of Police sang Koronadal PNP, Development Direction sang syudad nga gin han-ay naman ni Executive Assistant Mrs. Yolanda B. Tabingo kag Principle of Governance pinaagi kay CLGOO Mr. Romeo Agustin. Ginpaidalum man ang mga ini sa Basic Police Intelligence, Basic Gun Safety, Crime Scene and Evidence Preservation, Police Intervention, kag Police Tactics and Handcuffing Techniques. May kaangtanan sini, sa ginpatigayon nga Graduation Ceremony kadungan sa pag lunsar sang Crime Prevention Week, ginhangkat ni City Mayor Peter B. Miguel ang mga ini nga ipatuman ang ila natun-an pinaagi sa pagbulig sa mga otoridad para matapna ang nagkalain-lain nga kreminalidad.
Timing man suno pa ang pag patigayon sang nasambit nga training bangud sa nagakatabo nga kreminalidad sa syudad kapareho sang car napping kag iban pa nga sa karon ginatinguhaan sang mga kapulisan nga maresolbar. Ginhatagan punto ni Mayor PBM nga dapat tumanon sini ang ila commitment nga mag bulig para sa pag patuman sang kalinong kag indi pag gamiton ang ila natun-an para sa ila personal nga interes.
