9:29 PM
007
Ginkalipay sang mga manunudlo sang Day Care Centers ang nabaton nga mga school supplies para sa ila mga day care pupils. Ang nasambit nga mga school supplies ang inisyatibo ni City Mayor Peter B. Miguel bilang suporta sa mga kabataan. Nahibalu-an nga ang edukasyon ang isa sa mga prayoridad nga programa ni Mayor PBM sa idalom sang P.E.T.E.R. agenda.
Nahibalu-an nga magluwas sa nasambit nga inisyatibo, naghatag man sang scholarship program ang alkalde para sa mga estudyante sa elementary kag high school nga nagabutho sa pampubliko nga buluthu-an. Subong man Iskolar ng Koronadal (ISKO) para sa mga poor but deserving students nga magabutho sa kolehiyo.
Sa pihak nga bahin, ginpahayag sang mga manunudlo sang day care center nga dako nga bulig para sa mga kabataan ang nasambit nga mga school supplies ilabi na sa mga pigado. Nahibalu-an nga nagalab-ot sa 88 tanan ka mga day care centers sa syudad ang makabaton sang kasubong nga benipisyo. Una diri, temprano man nga gin-release ni Mayor Miguel ang educational assistance para sa mga pampubliko nga buluthu-an.
